♂ Berndt TO HEBELL
Eigenschaften
| Art |
Wert |
Datum |
Ort |
Quellenangaben |
|
Name
|
Berndt TO HEBELL |
|
|
|
|
Beruf
|
Mönch in Ter-Apel |
|
|
|
Notizen zu dieser Person
urk. 1510: (Mit herzlichem Dank an René Remkes für Fund und Transkribtion der Urkunde)
Lra(?) pro Bernardus Hebbele dedit o..(?) bona sua mobilia et immobilia Convent.. nostro Et q.( ?) b...( ?) acceptatus pro praebendario: Ick Coep van Beesten in der tydt sworen Richter tho Haren wt bevele des Eerwerdyghen in god doerluchtyghen hoechgheboren fforsten und heren, heren Erick van gots ghenade Elect ende confirmirt tho Munster Hertoch tho Zassen, Enger unde Westfalen myns ghenedyghen leven heren doe kunt enkenne unde betughe openbaer in dessen open besegelden breve dat voir my in bywesen der kornoten und bystanderen des gerichtes hyer nabescreven in een recht open heget gherichte sonderlynx tho dessen nabescreven saken geheget woert Erschenen unde ghekomen(?) ys dye Ersamen gheestelike heren broder Jacob van Wynckel prior des Conventes und der broderen tho Nyenlechte offt Apell Orden des hilligen Cruces unde bekande voir h[em] und synen gansen Convente broders dat he eendrachteliken angenomen hadde voir een provener unde medebroder der vromen Bernd van Hebelle tho besorghen syn levent lan[c] in den Cloester gelyck als een van synen broderen in eten drynken clederen schoen unde in allen anderen noetdrufftyghen dynghen hem noet ende behoeff ys des lychames und der ziele. Daer dye voirscrevene prior und Convent voirscreven Bernde voirscreven eenen gueden breeff myt dat Conventen Segell gemak[et](?) up geven sall tot Berndes wyllen sunder alle argelisten. Voert soe bekande Berndt vorgenomt voir my rechter in den sulfften gerichte voir hem und alle syn eerffgenamen geboren eder ongeboren myt synen vryen wyllen wall beradens modes dat hi up gedragen unde overgegheven hadde droech up und gaff over in crafft desses breves myt handen und myt monde den Ersten gheestliken broder Jacob prior voirscreven und synen Convente tho ewyghen daghen umme tho hebbene noettrufte syns lychames und oeck sunderlyngen voir syner ziel unde tho hebben in den voirscrevenen cloester de broderscap und dat dagelix gebet unde gueden werken soe lange dat cloester steet voir alle syne vrunde all syn goet dat he nü hevet offt gehat heft off namaels krighen mach in beesten scapen ymen bedde kyste gelde(?) clederen off ander reeschap cleen offt groet replick off onreplick waer he dat hevet buten den cloester off in den cloester ny.(?) daer van wtgescheyden beholtelik dat Berndt voirscreven so lanc(?) hem belevet myt syn suster Tybe tho wonen bruken mach de scapen ymen kyste off anders wes hee behoefftich ys syn levent lange tho den cloester beste und nuchticheit und dan na Berndes dode wyll he nyet dat yemant van syner wegen anspreken off manen sullen ewych goet cleen off groet replick off onreplick het sy in den cloester off buten den cloester men he wyll datt altsamen blyven unde wesen sall by den voirscrevenen cloester voir salicheit syner ziel und voir syn lieven olders broderen und susteren unde voir alle de ghene dye van Hebeller hoeff gestorven synt und anders nycht sonder alle argelyst und behendicheit dye dessen breeff tho enighen tyden moghen hinderlick wesen wtgescheden. Hyr weren mede an und over kornoten des gerichtes Roloff ter Hoerne und Hermen Nyeman bystanders des sulven gerichtes, Lambert Moller, Johan Sweders unde meer gueder luden genoch in een Orkonde der waerheit hebbe Ick Coep van Beesten rechter vorscreven myn Segell beneden an dessen breef gehangen. Ghegeven in den Jaer onsses heren dusent vyffhundert und teyne des dynxedages na den hilligen dree Konynghen. (8.Januar 1510) Quelle: Inv.nr. 1373, nr. 1, Groninger Archieven
Herunterladen
Der Einsender hat das Herunterladen der Datei nicht gestattet.
Bernd Josef
Jansen
